Saan Mo Gagastusin Ang 14th Month Pay Mo?

14th-Month-Pay

 

Malamang fren, isa ka na sa mga nakatanggap ng 14th month pay.

Naisip mo na ba kung saan mo gagastusin ang bonus mo.

Well, kung hindi pa, bayaan mo at bibigyan kita ng mga tips para magamit mo sa tama ang pera mo.

Dapat at least kalahati or 50% nito ay maitabi mo.

 

 

1) Emergency Fund

Ito yung bagay na wala minsan sa karamihang mga Pinoy.

Gamitin ang iyong bonus para magkaroon ng savings in case of emergency na hindi inaasahan.

Hindi natin alam kung ano mangyayari sa future tulad ng pagkakasakit, aksidente or mawalan ng trabaho.

Magtabi ka ng emergency fund na katumbas ng 3-6 months inyong buwanang kita.

Kung mayroon kang emergency fund, dito mo maiwawasan ang sakit ng karamihan na mangungutang tuwing may emergency.

 

2) Bayaran ang utang

Isa sa pinaka importanteng kelangan mong gawin kapag matanggap mo ang bonus mo ay bayaran ang utang mo.

Ito na ang pinakamagandang pagkakataon para magbawas ka ng utang sa mga kamag-anak at kaibigan at pati na rin sa credit card kung meron.

Hindi mo man mabayaran lahat at least ay mabawasan mo na para hindi na lalong lalaki pa lalo na kung mataas ang interest.

Kapag wala ka kasing utang na iniisip, dito nagkakaroon ka ng pagkakataon na makapag ipon para sa emergency fund mo.

 

3) Mag invest sa stock market or mutual funds

Isa sa magandang gagwin mo sa bonus mo ay invest ito sa stock market or mutual fund para magkaroon ka ng passive income. Passive income – ibig sabihin kumikita ang pera mo kahit hindi na nagtatrabaho.

May dalawang way para makabili ka ng shares sa stock market.  Pwede direct buying or ikaw mismo ang bibili ng stocks na gusto mo at pwede ring in-direct buying or thru mutual fund.  Sa mutual fund, may mga fund manager ka na sila mismo ang nag-iinvest sa pera sa ibat-ibang klase ng investment products.

Hindi mo kelangan expert para makapag invest ka sa stock market. Mahalaga magkaroon ka rin ng guidance sa mga marunong na dahil kung hindi ka rin mag-aral, baka matulad ka sa iba na hindi mag succeed sa investment mo sa stock market.

Kung may proper guidance ka, baka isa ka rin sa mga kikita ng milyon sa stock market.

 

4) Invest in yourself

Gamitin mo ang iyong bonus para maka investment ka sa sarili mo.

Pwede kang mag attend ng mga trainings at seminars para mapaunlad mo pa ang nyong sarili.

Sa mga pamamagitan nito magkakaroon ng mga bagong kaalaman at skills na magagamit mo kapag nagkaroon ng oportunidad na kelangan ang matutunan mong skills.

Isa pang paraan ay bumili at magbasa ng mga libro para mahasa lalo ang inyong kaalaman.

Ang pagbabasa ng libro ang sikreto ng mga successful na tao sa buong mundo.

 

5) Donation to church

Magandang pagkakataon na ibalik ang mga blessings na natanggap sa Panginoon.

I donate mo sa church ang 10% na natanggap mo para lalo kang bibigyan ng biyaya.

Magbigay kayo at kayo’y bibigyan ng Diyos; hustong takal, siksik, liglig, at umaapaw pa ang ibibigay sa inyo. Sapagkat ang panukat na ginagamit ninyo sa iba ay siya ring gagamiting panukat sa inyo.” (Lucas 6:38)

 

6) Mag Start ng Small Business

Sa halagang natanggap mo, magandang pagkakataon na ikaw ay makaapag simula ng maliit na negosyo.

Pwede ka mag buy and sell ng mga produkto na in demand sa mga tao ngayon.

May mga in demand na produkto araw-araw at meron ding seasonal.

Isa rin sa mgandang negosyo ay pagkain.

 

7) Insurance or Protection

Isa pang magandang paglagyan ng bonus mo ay sa inyong protection or insurance.

Kung ikaw ay breadwinner nakapaka importante na may insurance ka para sa inyong beneficiary para tuluy-tuloy pa rin ang financial support mo sa pamilya mo kahit may masamang mangyari sa iyo.

 

P.S. Kung may mga tanong ka pa, pwede mong i-type sa comment section ang tanong mo at sasagutin ko siya once na nabasa ko.

 

Comments

comments